Thursday, October 4, 2007

كل سنة و حاسبات بخير : ناوي تعمل اية السنة دي في حاسبات

احب في البداية ارحب بكل الناس الجداد في كلية الحاسبات و المعلومات و اهلاً بيكم ناس جداد و اصحاب و اصدقاء قبل ما تكونوا زملاء
المدونة دي بتاعتي و دي نبذه صغيرة عني
احمد جابر طالب في الفرقة التالتة قسم علوم الحاسب
كلية الحاسبات و المعلومات جامعة قناة السويس
بعد كده احب اكلمكم عن الكلية
سنة اولي بالنسبة للجميع سنة صعبة شوية بس الحقيقة انها اسهل سنة انت ممكن تنجح فيها و تجيب الميم الشديد امتياز
كل الحكاية انك تفتح مخك و تصحصح مع المعيدين و الدكاتره و خاصة المواد التخصصية
يعني الرياضة و البرمجة
في الرياضة الموضوع سهل لأنك معندكش غير 4 مواد رياضة
انتوا بتدرسوا منهم 2 الترم ده
التفاضل و الديسكريت
Calculus & Disceete Math
و الاتنين الدكاترة محترمين و مش بتوع وجع قلب كذلك السكاشن
اما بقي عن البرمجة و دي هي اهم مهارة لازم تكسبها السنة دي علشان ماتتعبش السنين الجاية
انت عندك رسمياً مادتين برمجة السنة دي
مقدة لعلوم الحاسب و دي مقدمة عامة هاتتعلم فيها هردوير و برمجة
و هنا بقي اقوللكم ان انتوا اتحرمتوا من معيد زي السكره للأسف سافر بس احتمال يبقي معاكو الترم التاني
م\محمد العزب
بس ده ميمنعش ان الدنيا لسه حلوة لأن السكاشن هتمسكها المعيدات و هما مش هيقصروا انشاء الله
يبقي كدة في نتيجة طلعنا بيها
الرياضة : ركز في المحاضرات و بلاش المواقف اللي الناس بتوصفها انها استظراف لأن دي مش بتنفع بالذات لو الدكتور لسه معرفكوش
اهتم جداً بالسكاشن وده علشان توفر التعب اللي ممكن تعاني منه لو قضيت الدنيا و جيت اخر السنة تلم المنهج
لأنه مش هيتلم
البرمجة: دي مهارة اكتر منها مادة فانت لازم تعاملها علي انها كده و ماتتكسفش لو سئلت حد اكبر منك في الكلية و انصح تسأل اي حد من سنة تالتة لأن تانية مش قد كدة
اهتم بالمحاضة علشان تعرف انت ماشي ازاي و اللي تتعلمة في المحاضرة طبق عليه في السكشن و البيت علشان المهارة اللي قلنا عليها فوق
اما بقي بانسبة للمواد التانية اللي انت هتلاقيها علي غير علاقة بالتخصص و منها البيئة و الانجليزي في الترم ده
و العربي الترم الجاي
فدي مواد انسانية ولازم تنجح فيها فالموضوع مش عايز جدال
لازم تنجح
وزي ما قلت السنة الاولي دي تعني امتياز لأن البلاوي في اللي جاي اكتر
ربنا يسهلها علينا و عليكوا
و اقابلكم في المنتدي علشانم كل واحد فيكوا يقوللي ناوي يعمل اية و هيتعلم ولا لأ و نفسه يبقي اية؟

0 reviews: